Grupi i vrasjeve i Policisë Kombëtare Spanjolle në Santa Cruz de Tenerife po heton rrethanat e vdekjes së sulmuesit të Tenerifes, Jesus de Miguel, i cili vdiq të martën pas një përplasjeje me portierin e Andorrës, Jesus Owono.

Sipas gazetës spanjolle Marca, çështja është tashmë në duart e gjyqësorit. Hetuesit po përpiqen të sqarojnë se çfarë ndodhi saktësisht në këtë veprim, pas të cilit De Miguel u dërgua në spital.

Përplasja ndodhi në minutën e fundit të ndeshjes së ligës së dytë spanjolle, kur De Miguel u përpoq të arrinte një top të gjatë dhe u ndërpre nga portieri i Andorrës. Oëono mori një karton të kuq direkt pas ndërhyrjes.

De Miguel pësoi arrest kardiak pas aksidentit dhe u transferua në kujdes intensiv në Spitalin Nuestra Senora de Candelaria, ku vdiq të martën në orën 8 të mëngjesit në moshën 30-vjeçare.

Kodi Penal Spanjoll për vrasjen nga pakujdesia, kur vdekja shkaktohet nga pakujdesia e rëndë, parashikon një dënim me burgim nga një deri në katër vjet. /Telegrafi/