Ekipet e NPL “Fushë Kosova” kanë realizuar aksion për pastrimin dhe largimin e mbeturinave në hapësirat publike pranë Sallës së Arteve Marciale dhe Sallës së Sportit në Fushë Kosovë.

Sipas kompanisë, aktiviteti është zhvilluar në kuadër të angazhimeve për mirëmbajtjen e hapësirave publike dhe krijimin e një ambienti më të pastër dhe më të rregullt për qytetarët.

Nga NPL “Fushë Kosova” kanë apeluar te qytetarët që të tregojnë kujdes ndaj hapësirave publike dhe të kontribuojnë në ruajtjen e pastërtisë në qytet. /Telegrafi/