Nga Amerika në Kosovë për të zbardhur dy vdekjet e dyshimta në Gjakovë

Nga Amerika në Kosovë për të zbardhur dy vdekjet e dyshimta në Gjakovë

Nga Amerika në Kosovë për të zbardhur dy vdekjet e dyshimta në Gjakovë

Veprimtari shqiptaro-amerikan, Haki Dervishi, ka kërkuar drejtësi dhe zbardhjen e dy rasteve të vdekjeve të dyshimta që kanë ndodhur në Gjakovë gjatë vitit 2022.

Sponsor 3M Express

Në një konferencë të jashtëzakonshme për media të mbajtur në Prishtinë, Dervishi ka folur për vdekjen e dyshimtë të vëllait të tij, Hysen Dervishi, por edhe për një rast tjetër të një gruaje, për të cilën dyshon se mund të ketë lidhje me rrethanat e vdekjes së vëllait të tij.

Ai ka thënë se interesimi i tij për rastin e gruas është shtuar pasi ka zbuluar një varr pa shenja identifikuese, pranë shtëpisë së tij.

“Hasa një varr, afër shtëpisë time i bërë rrafsh me tokën, pa kurrfarë shenje të varrit, pos një druri vertikal. Jam interesuar se çfarë është ai rast. Më kanë thënë se një grua e ka varur veten, sepse ka bërë ‘imoralitet’. Por kjo nuk ka qenë e vërtetë. Jam i interesuar më shumë tash për atë grua sesa për vëllanë, sepse për vëllanë avokatja dhe i dërguari nga Kongresi amerikan e kryejnë punën”, ka deklaruar Dervishi.

Ai ka thënë se për gruan në fjalë ka ndërtuar vetë një varr, duke shprehur dyshime për mënyrën se si është trajtuar dhe raportuar rasti i vdekjes së saj.

“Për vëllanë tim gjërat nuk janë më të fshehta. Por për atë grua pa varr jam i interesuar. Për atë grua, që ia kam ndërtuar unë varrin dhe i kam treguar se gjërat nuk janë siç janë thënë. E gjithë zona e di aty se çfarë është bërë. Më shumë jam i interesuar të vërtetoj çështjen e asaj gruaje, të cilën nuk e njoh, as vëllai im nuk e ka njohur”, ka thënë ai.

Dervishi ka theksuar se beson që zbardhja e së vërtetës do t’i ndihmonte edhe personat e tjerë që mund të kenë informacione, por që hezitojnë të flasin nga frika.

“Unë mendoj se e vërteta do të na lirojë edhe neve, edhe të tjerët që ndoshta e dinë të vërtetën, por kanë frikë të flasin”, është shprehur ai.

Gjatë konferencës, Dervishi i është kthyer edhe rastit të vdekjes së vëllait të tij, duke pretenduar se policia ka manipuluar provat dhe ka fshehur të vërtetën për rrethanat e vdekjes.

“Është shumë tronditëse. I kam fotografitë e vëllait se si policia ka fshehur të vërtetën. Kanë deklaruar se dy makina e kanë shkelur sipër, por ai nuk ka asnjë shenjë se i ka kaluar makina mbi trup. Pas shumë kohe, kur kam ardhur në shtëpi, e kam parë biçikletën që pretendohet se është aksidentuar. Kam pyetur kush e ka sjellë biçikletën në shtëpi dhe nuk kam marrë përgjigje. Më vonë kam mësuar se biçikletën në shtëpi e ka sjellë një polic”, ka shtuar ai.

Sipas Dervishit, një tjetër element që ka ngritur dyshime tek ai është gjendja e biçikletës së vëllait, e cila, sipas tij, nuk kishte dëmtime, ndonëse pretendohej se Hysen Dervishi ishte aksidentuar teksa po lëvizte me të.

Ai ka shprehur habinë se si është pretenduar se vëllai i tij ishte aksidentuar, kur biçikleta kishte mbetur, sipas tij, e padëmtuar./Telegrafi/

Lexo edhe

“Oj Kosovo, Kosovo” jehon në Bruksel, i kujt ishte faji për skandalin?

“Oj Kosovo, Kosovo” jehon në Bruksel, i kujt ishte faji për skandalin?

Dokumentari “Pinocchio’s Harvard” shfaqet premierë në Harvard, regjisori Valmir Tertini nderohet nga Kongresi amerikan

Dokumentari “Pinocchio’s Harvard” shfaqet premierë në Harvard, regjisori Valmir Tertini nderohet nga Kongresi amerikan

Gjyqtar nga Letonia për ndeshjen Irlandë – Kosovë

Gjyqtar nga Letonia për ndeshjen Irlandë – Kosovë