Një video e Elon Musk me djalin e tij gjashtëvjeçar, X Æ A-Xii, ka tërhequr vëmendjen në rrjetet sociale gjatë vizitës së biznesmenit amerikan në Kinë.

Në pamjet e publikuara, drejtuesi i Tesla-s dhe SpaceX-it shihet duke biseduar me të birin, të cilin e pyet për dashurinë ndaj Kinës.
Pasi djali përgjigjet pozitivisht, Musk e përshkruan Kinën si një “parajsë lodrash”, duke i shpjeguar se në këtë vend prodhohet pothuajse gjithçka.
Videoja është publikuar gjatë qëndrimit të Muskut në qytetin Shenzhen, ku ai ndodhet si pjesë e delegacionit të biznesit që shoqëron presidentin amerikan Donald Trump në samitin e APEC-ut.
Përveç momentit me djalin, Musk ka tërhequr vëmendjen edhe me deklaratat e tij për Kinën dhe marrëdhëniet mes Pekinit dhe Uashingtonit.
Gjatë një takimi me Ren Hongbin, kryetar i Këshillit Kinez për Promovimin e Tregtisë Ndërkombëtare, ai e cilësoi veten një “admirues të madh të Kinës” dhe të teknologjisë së saj. /Telegrafi/





