Kompania Rajonale e Ujësjellësit “Mitrovica” ka njoftuar se ekipet e mirëmbajtjes do të kryejnë intervenime në rrjetin e ujësjellësit dhe atë të kanalizimit në disa rrugë dhe fshatra.

Sipas njoftimit, intervenimet në rrjetin e ujësjellësit do të zhvillohen në rrugët “Zijadin Ceraja”, “Ulqini”, “Shaban Polluzha”, “Haki Misini”, “Nora Kelmendi”, “Adem Voca” dhe “Obiliqeva”, si dhe në fshatrat Rahovë, Koshtovë dhe Zhitkovac.
Ndërkaq, në rrjetin e kanalizimit do të ketë intervenime në rrugët “Vëllezërit Frashëri”, “Zahir Pajaziti”, “Dëshmorët e Kombit”, “Ali Zeneli”, “Knjaza Miloša” dhe “Kolašinskih kneževa”.
KRU “Mitrovica” ka paralajmëruar se gjatë punimeve në rrjetin e ujësjellësit mund të ketë ndërprerje të përkohshme të furnizimit me ujë.
Po ashtu, kompania ka bërë të ditur se pas rikthimit të furnizimit, uji mund të jetë përkohësisht i turbullt.
“Në këtë rast, ju lutemi ta lini ujin të rrjedhë për disa minuta, derisa të kthjellohet”, thuhet në njoftim.
Kompania ka falënderuar konsumatorët për mirëkuptimin dhe bashkëpunimin. /Telegrafi/





