Zëvendëskryeministri i parë dhe ministri i Punëve të Jashtme dhe Diasporës, Glauk Konjufca, do të kryesojë Grupin Punues të Apelit në mbrojtje të ish-krerëve të Ushtrisë Çlirimtare të Kosovës (UÇK).
Në këtë grup do të përfaqësohen disa subjekte politike, përmes deputetëve dhe përfaqësuesve të tyre në Kuvendin e Kosovës.
Për anëtare të këtij grupi është përfolur edhe deputetja e Lidhjes Demokratike të Kosovës (LDK), Jehona Lushaku-Sadriu. Ndërkohë, Vlora Çitaku, në cilësinë e nënkryetares së Kuvendit, është caktuar anëtare nga Partia Demokratike e Kosovës.
Nga Lëvizja Vetëvendosje pjesë e grupit do të jetë deputeti Adnan Rrustemi, ndërsa Aleanca për Ardhmërinë e Kosovës (AAK) do të përfaqësohet nga deputeti Bekë Berisha.
Sinjali – aty ku e vërteta flet para lajmit!
The post Këta janë anëtarët e Grupit Punues për mbrojtjen e ish-krerëve të UÇK-së appeared first on Sinjali.
Burimi: Sinjali
