Nënkryetarja e LSDM-së, Fani Karanfilova-Panovska, ne ftuar në emisionin “Top Tema” të televizionit Telma, akuzoi Hristijan Mickoskin se ka thënë të pavërteta si dëshmitar në seancën mbikëqyrëse për Alta Bankën sot në Kuvend, me qëllim që të shmangë përgjegjësinë politike për hyrjen e bankës në Maqedoni, thuhet në një deklaratë nga LSDM-ja.

“Në seancën e sotme mbikëqyrëse, Kryeministri Hristijan Mickoski guxoi të thoshte një gënjeshtër brutale si dëshmitar në seancën publike dëgjimore”, theksoi Karamfilova-Panovska.

Ajo vuri në dukje gënjeshtrën e Mickoskit, i cili u përpoq t’ia hidhte përgjegjësinë qeverisë së mëparshme të LSDM-së, duke cituar dokumente qeveritare përkatëse, megjithëse dokumentet tregojnë krejt të kundërtën.

“Ajo që qeveria e LSDM-së ka bërë me këtë vendim është de facto mbrojtja e interesave shtetërore të vendit tonë dhe interesave të qytetarëve. Sot, ishte një përpjekje brutale, domethënë një gënjeshtër që Kryeministri e tha në mënyrë eksplicite nga kryesuesi i seancës mbikëqyrëse të një instrumenti serioz të Parlamentit para të gjithë deputetëve dhe të gjithë qytetarëve”, theksoi ajo.Karanfilova-Panovska kërkoi një reagim nga Prokuroria Publike, duke theksuar se në rastet e mëparshme, dëshmitarët që dhanë deklarata të rreme në seancat mbikëqyrëse i nënshtroheshin procedurave prokuroriale.