Manchester Unitedi raportohet se është përballur me tensione të brendshme pas humbjes 2-0 ndaj Atletico Madridit në Ligën e Kampionëve, me Lisandro Martinez dhe Youri Tielemans që thuhet se janë përplasur gjatë udhëtimit të kthimit drejt Anglisë.

Sipas gazetës angleze Daily Mail, mosmarrëveshja mes dy futbollistëve ndodhi në aeroplan, pasi Martinez kishte kritikuar publikisht drejtuesit e klubit për mënyrën se si ishte zhvilluar merkatoja e verës.

Mbrojtësi argjentinas kishte shprehur pakënaqësi me investimet e bëra nga klubi, duke vënë në pikëpyetje edhe punën e drejtorit të futbollit, Jason Wilcox.

Sipas raportimit të gazetarit Chris Wheeler, komentet e bashkëlojtarit nuk i kishin pëlqyer Tielemansit, i cili kishte shprehur pakënaqësinë e tij gjatë fluturimit për në Manchester.

Mesfushori belg kishte refuzuar të komentonte intervistën e Martinezit menjëherë pas ndeshjes, duke u përgjigjur shkurt: “Nuk kam koment për këtë”.

Në deklaratat e tij, Martinez kishte argumentuar se Manchester Unitedi ka nevojë për investime më të mëdha nëse dëshiron të konkurrojë në nivelin më të lartë, pavarësisht përforcimeve të realizuara gjatë afatit kalimtar të verës.

Këto zhvillime, sipas raportimit, kanë nxjerrë në pah tensionet e mundshme brenda skuadrës së drejtuar nga Michael Carrick, pas disfatës në Madrid.

Manchester United u mposht 2-0 nga Atletico Madridi më 13 tetor, në ndeshjen e dytë të fazës së ligës në Ligën e Kampionëve./Telegrafi/