Një fotografi prekëse e një elefanti që mban trupin e një këlyshi të ngordhur i ka siguruar fotografit italian Federico Veronesi çmimin “Wildlife Photographer of the Year 2026”, një nga konkurset më të njohura të fotografisë së botës së egër.
Fotografia u realizua në luginën e lumit Huab në Namibi, ku Veronesi vuri re gjurmë të pazakonta zvarritjeje në rërën e një shtrati lumi të tharë. Duke i ndjekur ato, ai hasi elefantin që mbante këlyshin me feçkë, ndërsa njërën këmbë ia kishte kapur mes feçkës dhe dhëmbit.
Fillimisht, fotografi mendoi se bëhej fjalë për nënën e këlyshit, por studiuesit i thanë se kjo nuk mund të konfirmohej. Sipas tyre, elefanti kishte humbur një këlysh disa vjet më parë dhe ishte vërejtur edhe më herët duke mbajtur këlyshë të ngordhur të elefantëve të tjerë.
Veronesi e përshkroi këtë përvojë si një nga momentet më emocionuese dhe dramatike të karrierës së tij 20-vjeçare në fotografinë e kafshëve.
Ai shpreson që fotografia t’i nxisë njerëzit t’i shohin kafshët jo vetëm përmes pamjes së tyre fizike, por edhe si qenie me marrëdhënie, kujtime dhe emocione.
Konkursi përfshin edhe fotografi të tjera të vlerësuara, të cilat dokumentojnë sjellje të veçanta dhe momente të rralla nga jeta e kafshëve në natyrë.
Sinjali – aty ku e vërteta flet para lajmit!
The post Fotografia prekëse e elefantit me këlyshin e ngordhur fiton çmimin prestigjioz të vitit 2026 appeared first on Sinjali.
Burimi: Sinjali
