Prania e Jakup Krasniqit në Kosovë ka bërë që pranë shtëpisë së tij të mblidhen qytetarë dhe veteranë të Ushtrisë Çlirimtare të Kosovës, të cilët kanë shkuar me shpresën se do të kenë mundësi ta takojnë gjatë vizitës së tij familjare.

Në mesin e të pranishmëve është edhe Çlirim Haziri, nga iniciativa qytetare “Jo në emrin tim”, i cili tha se kanë ardhur në grup me dëshirën për ta parë dhe takuar Krasniqin, nëse u lejohet një gjë e tillë.
Haziri theksoi se emocionet që po përjeton familja e Krasniqit për vizitën e tij në Kosovë, i ndajnë edhe qytetarët dhe veteranët që janë mbledhur pranë shtëpisë së tij.
“Qysh është emocion për familjen e tij, është edhe për neve. Erdhëm këtu me një grup për ta parë bacën Jakup, nëse na lejohet”, u shpreh Haziri.
Ai shtoi se do të qëndrojnë aty në pritje të mundësisë për ta takuar Krasniqin.
“Ne do ta presim bacin Jakup”, shtoi Haziri.
Sinjali – aty ku e vërteta flet para lajmit!
Burimi: Sinjali





