Vetëm pesëmbëdhjetë vjeçare, Emily është renditur në vendin e pestë në kategorinë deri në 69 kilogramë, në konkurrencën e të rriturve.
Ajo ka ngritur gjithsej 240 kilogramë në dygarësh, prej tyre 106 kilogramë në shkëputje dhe 134 kilogramë në shtytje.
Paraqitjen e saj e ka bërë edhe më të veçantë fakti se gjatë garës ka përmirësuar shtatë herë rekordet botërore për të reja, në disiplinat e shkëputjes, shtytjes dhe dygarëshit.
Emily ka qenë garuesja më e re në këtë kampionat, ndërsa suksesi i saj është vlerësuar edhe nga Komiteti Olimpik i Kosovës.
“KOK-u përgëzon Emily-n, trajnerët e saj dhe Federatën e Peshëngritjes së Kosovës për këtë sukses të jashtëzakonshëm!”, thuhet në reagimin e Komitetit Olimpik të Kosovës.
Burimi: RTKLive
