Bitcoin bie në nivelin më të ulët që nga viti 2024, investitorët alarmohen nga kriza në tregjet teknologjike

Bitcoin bie në nivelin më të ulët që nga viti 2024, investitorët alarmohen nga kriza në tregjet teknologjike

Bitcoin bie në nivelin më të ulët që nga viti 2024, investitorët alarmohen nga kriza në tregjet teknologjike

Bitcoin, kriptomonedha më e madhe në botë, ka pësuar rënie të ndjeshme, duke arritur nivelin më të ulët në më shumë se dy vjet, në mes të shqetësimeve për një korrigjim të mundshëm në tregun e aksioneve teknologjike.

Sponsor 3M Express

Sipas të dhënave të publikuara të shtunën në mëngjes, vlera e Bitcoinit ra të premten për 5.10 për qind, duke zbritur në 55.830 dollarë. Ky është niveli më i ulët që nga shtatori i vitit 2024, raportoi Reuters.

Gjatë së premtes, kriptomonedha kishte rënë edhe nën 60 mijë dollarë, për herë të parë që nga korriku i këtij viti. Shitjet vazhduan edhe gjatë natës, ndërsa investitorët u tërhoqën nga asetet që konsiderohen me rrezik të lartë.

Një nga arsyet kryesore të kësaj rënieje lidhet me shqetësimet për vlerësimin e kompanive teknologjike që merren me zhvillimin e inteligjencës artificiale. Investitorët po vënë në pikëpyetje nëse miliarda dollarët e investuar në qendra të të dhënave, çipa dhe pajisje të tjera do të sjellin fitimet e pritshme.

Frika se fitimet e këtyre kompanive mund të mos përmbushin pritshmëritë ka shtuar presionin mbi aksionet teknologjike dhe tregun e kriptomonedhave.

Në rënien e tregjeve po ndikojnë edhe kostot më të larta të huamarrjes, pasiguria politike në SHBA dhe shqetësimet për ndryshimet e mundshme në rregullimin e tregut të kriptomonedhave.

Ndërkohë, largimi i Jensen Huangut nga posti i drejtorit ekzekutiv të Nvidia-s, sipas raportimit, ka shtuar pasigurinë në sektorin e teknologjisë.

Rënia e Bitcoinit vjen në një kohë kur edhe bursat amerikane kanë regjistruar humbje të mëdha. Indekset kryesore kanë kaluar një nga javët më të dobëta në rreth një vit e gjysmë, ndërsa veçanërisht janë goditur kompanitë teknologjike, aksionet e të cilave ishin rritur ndjeshëm nga pritshmëritë për zhvillimin e inteligjencës artificiale.

Sinjali – aty ku e vërteta flet para lajmit!

/GazetaSinjali/

Burimi: Sinjali

Lexo edhe

“Ah more bab, keq na lave”, reagon djali i viktimës së vrasjes në Suharekë

“Ah more bab, keq na lave”, reagon djali i viktimës së vrasjes në Suharekë

Samiti BE-Britani: Të përkushtuar për stabilitetin dhe prosperitetin e Ballkanit Perëndimor

Samiti BE-Britani: Të përkushtuar për stabilitetin dhe prosperitetin e Ballkanit Perëndimor

Harry Kane i nënshtrohet me sukses operacionit pas lëndimit të rëndë, pritet të mungojë rreth tre muaj

Harry Kane i nënshtrohet me sukses operacionit pas lëndimit të rëndë, pritet të mungojë rreth tre muaj