Antonela Roccuzzo nuk ka mundur t’i përmbajë lotët gjatë lamtumirës së Lionel Messit nga kombëtarja e Argjentinës.
Bashkëshortja e yllit argjentinas u emocionua teksa dëgjonte fjalimin e tij përshëndetës para mijëra tifozëve.
Messi e zhvilloi ndeshjen e fundit me fanellën e Argjentinës në një përballje miqësore ndaj Beninit, ku skuadra argjentinase triumfoi me rezultatin 3-0.
Foto: X
Edhe në këtë ndeshje, ai u përshëndet me kombëtaren në mënyrën më të mirë të mundshme, duke shënuar një gol dhe duke dhuruar dy asistime.
Rreth 90 mijë tifozë ishin mbledhur në stadium për t’i dhënë lamtumirën një prej futbollistëve më të mëdhenj në histori, ndonëse vëmendje të veçantë mori edhe familja e Messit, e cila ishte në fushë gjatë ceremonisë.
Teksa Messi mbajti fjalimin e tij emocional para tifozëve, kamerat fokusuan Antonelën, e cila ishte pranë djemve të tyre.
Foto: X
Ajo e ndoqi me krenari çdo moment, duke e duartrokitur vazhdimisht, por nuk mundi t’i ndalte lotët e emocionit.
Reagimi i saj i sinqertë u shpërnda në rrjetet sociale dhe preku fansat e futbollit në mbarë botën.
Kjo ditë e veçantë do të mbahet mend jo vetëm për paraqitjen e Messit në fushë, por edhe për momentet emocionuese të familjes së tij, veçanërisht të Antonelës, e cila e ka mbështetur futbollistin argjentinas që nga fillimet e karrierës së tij. /Telegrafi/
