Në reagimin e saj publik, Aleanca ka vlerësuar se humbja e këtyre mjeteve dëshmon mungesën e planifikimit, përgjegjësisë dhe kapaciteteve qeverisëse për të shfrytëzuar mundësitë që ofrohen nga partnerët ndërkombëtarë.

Sipas Aleancës, kjo situatë vjen në një periudhë të vështirë ekonomike, kur qytetarët po përballen me rritjen e kostos së jetesës, ndërsa bizneset po hasin vështirësi të shumta në funksionimin e tyre.

Partia ka kritikuar gjithashtu performancën e Qeverisë në raportet ndërkombëtare, duke pretenduar se problemet e saj nuk janë të kufizuara vetëm në ekonominë e brendshme, por reflektohen edhe në politikën e jashtme dhe diplomaci.

Aleanca ka theksuar se humbja e miliona eurove nga fondet evropiane nuk duhet të trajtohet si një vonesë e zakonshme administrative, por si një çështje që kërkon përgjegjësi institucionale dhe llogaridhënie.

Në fund të reagimit, Aleanca ka paralajmëruar se pasojat e humbjes së këtyre mjeteve do të ndihen drejtpërdrejt nga qytetarët, ndërsa ka kërkuar përgjegjësi për dështimin në sigurimin e fondeve të Bashkimit Evropian.

Burimi: RTKLive