Sipas njoftimit të Policisë së Kosovës, trajnimi është zhvilluar në pesë grupe, ndërsa me certifikimin e grupit të pestë është përmbyllur i gjithë cikli i këtij programi.
Trajnimi është realizuar nga instruktorët e Drejtorisë së Njësisë Speciale Operative (NJSO), në Kampin e Njësive Speciale në Vrellë dhe në Qendrën e Njësive Speciale “Enver Zymeri” në Mitrovicë, nën mbikëqyrjen e Divizionit të Trajnimit.

“Në ceremoninë e certifikimit morën pjesë përfaqësues të stafit udhëheqës të Departamentit dhe Divizionit të Njësive Speciale, instruktorët e NJSO-së, si dhe përfaqësues të stafit mbikëqyrës të Drejtorisë Rajonale të Policisë – Mitrovica Jug”, thuhet në njoftim.
Sipas Policisë, ky program është pjesë e aktiviteteve për zhvillimin profesional të Njësive për Reagim të Shpejtë, me fokus në standardizimin e përgatitjes dhe avancimin e kapaciteteve për përmbushjen e detyrave policore.
Policia e Kosovës ka theksuar se do të vazhdojë angazhimin për zhvillimin e burimeve njerëzore dhe forcimin e kapaciteteve profesionale dhe operative të njësive policore.
Burimi: RTKLive





