Sulmi u krye të shtunën në mëngjes, kur pesë bomba rrëshqitëse goditën zona të banuara. Një ndërtesë shumëkatëshe u dëmtua rëndë, pasi goditja në katin përdhes bëri që katet e sipërme të shembeshin. Mbi 80 punonjës të emergjencave janë angazhuar në operacionet e kërkim-shpëtimit.

Presidenti ukrainas Volodymyr Zelensky e lidhi sulmin me marrëveshjen e njoftuar nga presidenti amerikan Donald Trump për lehtësimin e përkohshëm të sanksioneve ndaj eksporteve ruse të dizelit. Zelensky tha se zbutja e presionit ndaj Moskës po i jep asaj sinjalin për të vazhduar luftën, ndërsa kërkoi nga Uashingtoni mbështetje më të fortë për Ukrainën.

Sulmi vjen pas disa goditjeve vdekjeprurëse ruse në Ukrainë. Të enjten, 33 persona u vranë nga goditja e dy autobusëve civilë në Kramatorsk, ndërsa një ditë më parë, 22 persona, përfshirë pesë fëmijë, humbën jetën nga një sulm me raketë ndaj një ndërtese banimi në Pryluky.

Ndërkohë, Rusia ka intensifikuar sulmet ndaj infrastrukturës energjetike ukrainase para dimrit, ndërsa Ukraina po godet gjithnjë e më shpesh rafineritë e naftës dhe objektiva të tjera strategjike brenda territorit rus. Sipas Kievit, këto sulme synojnë të kufizojnë të ardhurat që financojnë luftën e Moskës.

Burimi: RTKLive