Gara për vendin e dytë në Grupin D është ende e hapur. Për pozitën e dytë po luftojnë Paraguai dhe Australia, që do të përballen në Santa Clara në ndeshjen e fundit të fazës së grupeve.
Vendi i parë tashmë është zënë nga SHBA-ja, ndërsa Turqia është eliminuar.
Ndeshja ndërmjet Paraguait dhe Australisë zhvillohet në ora 4:00 të mëngjesit të së premtes, sipas kohës në Kosovë.
Tri përballjet e fundit ishin në favorin e Australisë. Australia ka dy fitore ndaj Paraguait. Një ndeshje kishte përfunduar 1:1.
Ndeshja tjetër ndërmjet Turqisë dhe SHBA-së nuk ka peshë. Për Turqinë e rikthyer në Botëror pas 24 vjetësh, është ndeshja e fundit, ndërsa SHBA-ja synon fitoren e tretë në Kupën e Botës, të cilën e organizon së bashku me Meksikën dhe Kanadanë.
Katër përballjet e tyre në të kaluarën kanë përfunduar me rezultat 2:1.
Dy fitore ka shënuar Turqia e dy të tjera SHBA-ja.
The post Kush avancon nga Grupi D appeared first on TËVË 1 – Lexoje të vërtetën!.
