Mimoza Kusari-Lila ka marrë pjesë në Konferencën Ekonomike B2B në Prishtinë, e organizuar nga Rrjeti Global i Bizneseve Shqiptare dhe Komuniteti i Bizneseve Kosovaro-Gjermano-Zvicerane –KGS.
Kusari-Lila, përmes një postimi në Facebook, u shpreh se gjatë kësaj konference pati mundësinë t’i informojë bizneset pjesëmarrëse për reformat dhe vendimet konkrete që kanë përmirësuar mjedisin e të bërit biznes në vendin tonë.
Kusari-Lila u shpreh mirënjohëse për organizimin e kësaj konference dhe për kontributin e vazhdueshëm të bizneseve në zhvillimin ekonomik dhe fuqizimin e shtetit. /Zëri
Postimi i plotë:
Sot pata kënaqësinë të jem pjesëmarrëse në Konferencën Ekonomike B2B në Prishtinë, të organizuar nga Rrjeti Global i Bizneseve Shqiptare dhe Komuniteti i Bizneseve Kosovaro-Gjermano-Zvicerane – KGS.
Në këtë takim të rëndësishëm për investimet në Kosovë, pata mundësinë t’i informoj bizneset pjesëmarrëse për reformat dhe vendimet konkrete që kanë përmirësuar mjedisin e të bërit biznes në vendin tonë. Nga mundësitë e investimit në Zonat Industriale, te qasja në tregjet rajonale dhe evropiane, e deri te mekanizmat mbështetës të shtetit për stimulimin e punësimit dhe përfshirjen e grave dhe të rinjve në tregun e punës.
Konceptet e reja dhe mekanizmat inkurajues për investime në industri të qëndrueshme dhe energji të pastër, si dhe programet mbështetëse si Superpuna, do të vazhdojnë të forcohen dhe zgjerohen edhe në të ardhmen.
Mirënjohëse për organizimin e kësaj konference dhe për kontributin e vazhdueshëm të bizneseve tona në zhvillimin ekonomik dhe fuqizimin e shtetit tonë.
