Një shtetas i Kosovës është arrestuar mbrëmjen e së hënës në Maqedoni të Veriut, pasi ka vozitur veturën e tij me shpejtësi të madhe.
Sipas policisë maqedonase, në autostradën A1, pranë Smokvicës, kosovari ka vozitur 203km/h, në zonën ku shpejtësia e lejuar është 120 km/h.
Sipas policisë, 30-vjeçari drejtonte automjetin me targa të Kosovës.
“Gjatë kontrollit në komunikacion me radar, policia ka konstatuar se ai po drejtonte një automjet “Audi A6” me targa të Kosovës me shpejtësi prej 203 kilometra në orë, në vend ku kufizimi i lejuar është 120 kilometra në orë. Ai është përjashtuar nga komunikacioni dhe për rastin është njoftuar prokurori publik nga Prokuroria Themelore Publike në Gjevgjeli. Ndaj tij është paraqitur kallëzim përkatës sipas nenit 297-a të Kodit Penal për “drejtim të pakujdesshëm të automjetit motorik”, thuhet në njoftim. /Klankosova
The post Kosovari arrestohet në Maqedoni të Veriut, voziti mbi 200 km/h appeared first on Gazeta Express.
