Komisionerja evropiane për Zgjerim, Marta Kos ka thënë se përfaqësues të shoqërisë civile serbe po përballen me fushatë shpifëse dhe sulme personale.
Ajo ka thënë se një shoqëri civile e fortë dhe qytetarë të angazhuar janë aset për demokraci.
“Gjatë ditëve të fundit, shumë përfaqësues të shoqërisë civile serbe janë nënshtruar fushatave shpifëse dhe sulmeve personale. Një shoqëri civile e fortë dhe qytetarët e angazhuar janë një aset për çdo demokraci dhe thelbësorë për një proces të suksesshëm zgjerimi. Ata meritojnë respekt dhe lirinë për të folur pa frikësim ose përpjekje për të delegjitimuar punën e tyre”, ka shkruar ajo në X.
