Avokati, Arbër Jashari ka vlerësuar se aktakuza e ngritur nga Prokuroria Speciale për spiunazh ndaj Fatmir Shehollit është e argumentuar dhe e bazuar në fakte të rëndësishme.
Ai ka thënë se me këtë aktakuzë, Prokuroria ka kaluar standardin e aktakuzave të rëndomta.
Jashari ka kritikuar qasjen e institucioneve që për vite të tëra nuk kanë punuar më shumë në çështjen e spiunazhit, që siç ka sqaruar ai, është një prej veprave më të rrezikshme dhe e sanksionuar me dënimet më të rënda në Kodin Penal.
“Është për të ardhur keq që për vite tëra nuk është punuar shumë dhe është mbet si mbrapa kjo çështje e spiunazhit e cila është një prej veprave më të rrezikshme të sanksionuar në Kodin e Republikës së Kosovës dhe janë paraparë dënime të ashpra”, ka thënë ai në emisionin “InfoNata” në Tëvë1.
Megjithatë , ai ka thënë se është lajm i mirë që Kosova këtë çështje e ka kthyer në prioritet, ku sipas tij me arrestimin e 8 personave për më pas se tre vjet për spiunazh, Kosova është kthyer në një vend të paprecedentë.
“Është mirë që Kosova e ka vënë në prioritet këtë vepër penale dhe është fakt që Kosova brenda tre viteve i ka arrestuar 8 spiunë që është e jashtëzakonshme dhe i paprecedentë në historinë e shteteve. Kosova, ndoshta është shteti që viteve të fundit për një periudhë kaq të shkurtër ka arrestua disa të dyshuar për spiunazh”, ka thënë ai.
Gati një vit pas arrestimit, Prokuroria Speciale ka ngritur aktakuzë ndaj Fatmir Shehollit, të akuzuar për spiunazh për shërbimin sekret serb dhe për shantazh. Aktakuza ka zbuluar detaje se si
Sheholli synonte destabilizimin e Kosovës, dhe mënyrën se si ai synonte ta realizonte planin e tij.
Aktakuza e PSRK-së, si tentoi destabilizimin e Kosovës Famir Sheholli
