Pesë herë kampioni i Botës në futboll, Brazili, ishte duke udhëhequr 2:0 ndaj Japonisë. Por në fund humbi 3:2 në miqësoren e luajtur në tetor të vitit të kaluar.
Ishte humbja e parë e Brazilit nga Japonia në 10 përballjet e fundit.
Megjithatë, ndeshja e së hënës në Huston do të jetë një histori tjetër.
Ndeshja e 1/16 të finales së Kupës së Botës ndërmjet Brazilit dhe Japonisë luhet nga ora 19:00. Për ekipin e Carlo Ancelottit është një test se sa është rritur që nga disfata në Tokio.
Japonia e siguroi kalimin në fazën nokaut nga vendi i dytë në Grupin F, pas Holandës.
Ekipi i Japonisë ka ndryshuar shumë nga ekipi që mposhti Brazilin.
Brazili po ashtu duket ndryshe dhe skuadra është përmirësuar pas hapjes së turneut me një barazim 1:1 kundër Marokut.
Fitoret e njëpasnjëshme e kanë përmirësuar disponimin.
Vinicius Junior ka shënuar katër gola dhe Neymar është rikthyer në ekipin kombëtar pas tre vitesh mungesë për shkak të lëndimeve të vazhdueshme.
Brazili ka qenë prej kohësh një pikë referimi për futbollin japonez, një marrëdhënie e mishëruar nga Zico.
Zico drejtoi Japoninë nga viti 2002 deri në vitin 2006, duke fituar Kupën e Azisë në vitin 2004 dhe duke e udhëhequr atë drejt Kupës së Botës në vitin 2006, ku Brazili fitoi një ndeshje në fazën e grupeve 4:1 duke vulosur eliminimin e Japonisë.
Pra, të dyja ekipet kanë hesape të vjetra për të larë në Huston.
