Ish-kryerprokurori i Dhomave të Specializaura të Hagës, Jack Smith, po vazhdon të dëshmojë sot përpara Kongresit amerikan. Smith po merret në pyetje nga kongresitët republikan për ndjekjen që Smith ia kishte bërë presidentit amerikan, Donald Trump, meqë ata konsiderojnë se Smith ka abuzuar me detyrën, shkruan Gazeta Express.
Në një moment përgjatë marrjes në pyetje, kongresmeni Eric Schmitt e pyet Smithin nëse ka pasur raste në karrierën e tij që i ka humbur.
Ish-Kryeprokurori i Hagës në përgjigjen e tij në seancën dëgjimore e pranon që ka humbur raste në karrierën e tij.
Pas kësaj, ndërhyn kongresmeni amerikan Schmitt duke e pyetur për punën e tij në Hagë dhe ndjekjen që ia kishte bërë ish-presidentit kosovar, Hashim Thaçi.
Smith thotë se për këtë rast, Hashim Thaçi sapo është dënuar për 300 viktima të torturës dhe 96 vrasje të paligjshme.
“Pasi i humbët të gjitha këto raste të nivelit të lartë, ju shkuat në Hagë për ta ndjekur presidentin e Kosovës në vitin 2020”, pyet Schmitt.
“Po, dhe ai është dënuar për mbi 300 raste të torturës dhe 96 vrasje”, përgjigjet Smith.
I pyetur nëse ky ishte një shans që e shfrytëzoi për t’iu kthyer Trumpit, Smith e mohon një gjë të tillë./GazetaExpress/
Sen. Schmitt: “You fled to The Hague and prosecuted the president of Kosovo in 2020?”
— Bulwark Clips (@BulwarkClips) September 29, 2026
Smith: “Yes, and he was just convicted of over 300 acts of torture and 96 murders.”
Sen. Schmitt: “And then you got a chance to come back to get Trump. Is that right?”
Smith: “That’s not… pic.twitter.com/P31xKUwxrN
The post Jack Smith e përmend dënimin e Hashim Thaçit si sukses, teksa në Kongres përballet me pyetje për abuzim me detyrën appeared first on Gazeta Express.
