Kryetari i AAK-së, Ramush Haradinaj, ka mbështetur protestën e studentëve shqiptarë që do të mbahet nesër në Shkup lidhur me përdorimin e gjuhës shqipe.
Përmes një postimi në Facebook, Haradinaj ka deklaruar se gjuha shqipe në Maqedoni të Veriut nuk është opsionale, por gjuhë autoktone dhe e garantuar me Kushtetutë.
Ai ka theksuar se studentët shqiptarë nuk po kërkojnë privilegje, por dinjitet, barazi dhe respekt për identitetin e tyre.
“Me zemër, me shpirt dhe me krenari jam me ju nesër, studentë shqiptarë në Maqedoninë e Veriut. Zëri juaj është zëri i çdo shqiptari që nuk pranon të heshtë përballë padrejtësisë”, ka shkruar Haradinaj.
