Presidenti amerikan, Donald Trump pritet të zbarkojë sot në Pekin për bisedime me rëndësi të lartë me udhëheqësin kinez Xi Jinping, me luftën kundër Iranit që pritet të jetë një temë e rëndësishme gjatë samitit.
Përpara se të nisej për udhëtimin e tij në Kinë , presidenti amerikan u tha gazetarëve se nuk e merr në konsideratë ndikimin ekonomik që lufta po ka tek amerikanët dhe se ndalimi i Iranit nga krijimi i një arme bërthamore ishte përparësia e tij kryesore.
“Aspak,” tha Trump kur u pyet se deri në çfarë mase “situatat financiare të amerikanëve” po e motivonin atë të arrinte një marrëveshje me Iranin .
“E vetmja gjë që ka rëndësi kur flas për Iranin është se ata nuk mund të kenë armë bërthamore. Nuk mendoj për gjendjen financiare të amerikanëve. Nuk mendoj për askënd”, tha ai, citon Guardian.
“Mendoj për një gjë: nuk mund ta lejojmë Iranin të ketë një armë bërthamore.”
Inflacioni në SHBA u rrit me 3.8% në prill nga një vit më parë, sipas të dhënave nga Byroja e Statistikave të Punës, rritja më e lartë që nga viti 2023, ndërsa konflikti në Lindjen e Mesme vazhdoi të rriste çmimet e energjisë dhe kostot e përditshme për amerikanët.
