Kryetari i Komunës së Fushë Kosovës, Valon Prebreza, ka njoftuar se është shpallur gjendje emergjente në sektorin e menaxhimit të mbeturinave.
Përmes një njoftimi publik, ai ka kërkuar mirëkuptimin e qytetarëve për situatën e krijuar, duke i siguruar se problemi do të zgjidhet në një afat të shkurtër.
“Sot kemi shpallur gjendje emergjente në sektorin e mbeturinave. Kërkojmë mirëkuptimin tuaj dhe ju sigurojmë se ky problem do të zgjidhet shumë shpejt”, ka deklaruar Prebreza.
Ai gjithashtu ka falënderuar qytetarët për durimin dhe bashkëpunimin e tyre, teksa institucionet komunale po punojnë për tejkalimin e situatës.
