Lidhja Demokratike e Kosovës do të vendosë sot nëse do ta shkarkojë Lumir Abdixhikun nga pozita e kryetarit apo nëse ai do të konfirmohet në krye të partisë.
Delegatët e LDK-së do të mblidhen sot në orën 18:00 për të vendosur për drejtimin e partisë më të vjetër në vend.
Në ftesat që Abdixhiku ua ka dërguar 354 delegatëve me të drejtë vote, thuhet se Kuvendi do të mbahet në AMC Hall, një sallë ku organizohen ngjarje të ndryshme, e cila ndodhet në Obiliq, vetëm pak kilometra jashtë Prishtinës.
Sipas detyrimeve të përcaktuara me statutin e partisë, Lumir Abdixhikut të hënën pasdite iu desh të merrte vendim për thirrjen e këtij Kuvendit të jashtëzakonshëm, ku pritet të testohet besimi brendapartiak ndaj Abdixhikut.
Në njoftimin për thirrjen e Kuvendit pë të enjten, LDK-ja nuk përmendi vendin ku do të mbahet. U tha se vendi i mbajtjes së Kuvendit dhe detajet e tjera organizative do t’u komunikoheshin delegatëve në përputhje me procedurat e përcaktuara nga statuti i partisë.
The post Ftesa e Abdixhikut për delegatët “zbulon” vendin ku do të mbahet Kuvendi i jashtëzakonshëm i LDK’së appeared first on Gazeta Express.
