Një person i moshës 60-vjeçare ka humbur jetën si pasojë e një aksidenti që ka ndodhur mesditën e sotme në fshatin Koshare të Ferizajt.
Në aksident kanë qenë të përfshira dy vetura me targa vendore.
Nga Policia kanë bërë të ditur se vdekja e viktimës është konfirmuar në vendin e ngjarjes nga ekipi mjekësor.
“Sot rreth orës 12:15 kemi pranuar informatën se në fshatin Koshare të Ferizajt ka ndodhur një aksident trafiku ku janë përfshirë dy vetura me targa vendore .
Si pasojë e këtij aksidenti ka humbur jetën një person, mashkull, i moshës 60 vjeç , vdekja e të cilit është konfirmuar në vendin e ngjarjes nga ekipi mjekësor”, ka bërë të ditur për teve1.info, zëdhënësi i Policisë së Kosovës për rajonin e Ferizajt, Kanun Veseli.
Ndërkohë, sot, në orët e para të mëngjesit si pasojë e një vetaksidenti në Dollc të Klinës ka humbur jetën edhe një 40-vjeçar si dhe mbetën të lënduar katër persona të tjerë. /teve1.info/
Një i vdekur dhe katër të lënduar nga një vetaksident në Dollc të Klinës
