Policia e Kosovës ka njoftuar për një rast të “Sulmit ndaj personit zyrtar” dhe “Lëndimit të lehtë trupor”, që ka ndodhur në Prizren.
Sipas policisë, ngjarja ka ndodhur më 17 maj 2026 rreth orës 23:20, ku një grua e dyshuar fillimisht kishte fyer e më pas kishte sulmuar fizikisht një zyrtar policor, duke e goditur me shqelm derisa ai ishte duke hyrë në marketin e një pompe të derivateve.
Policia bën të ditur se e dyshuara ka shfaqur rezistencë edhe gjatë arrestimit, me ç’rast dy zyrtarë policorë kanë pësuar lëndime të lehta trupore.
Të dyshuarës i është ofruar trajtim mjekësor në stacion policor, ndërsa zyrtarët policorë kanë marrë tretman mjekësor.
Me vendim të prokurorit, e dyshuara është dërguar në mbajtje për 24 orë.
The post E goditi me shqelm policin, arrestohet gruaja në Prizren appeared first on Gazeta Express.
