Jetlira Foniqi është 25-vjeçarja që humbi jetën mbrëmjen e së dielës si pasojë e plagëve të marra nga arma e zjarrit në fshatin Kërvasari të Malishevës.
Për vdekjen tragjike të saj kanë njoftuar edhe familjarët e të ndjerës, ndërsa Policia e Kosovës ka konfirmuar se viktima, e cila ishte shtatzënë tash e 34 javë, ka ndërruar jetë pas plagosjes me armë zjarri.
Sipas informacioneve të policisë, në dhomën e gjumit janë gjetur të plagosur 25-vjeçarja dhe bashkëshorti i saj, 26-vjeçar. Personi që po trajtohet si i dyshuar në këtë rast është Egzon Bytyqi, 26 vjeç.
Zëdhënësja e Policisë për rajonin e Gjakovës, Vlera Krasniqi, ka deklaruar se rasti është raportuar më 23 gusht 2026, rreth orës 23:20.
Sipas saj, njësitë policore kanë dalë menjëherë në vendin e ngjarjes, ku kanë gjetur çiftin bashkëshortor të plagosur nga arma e zjarrit.
Të plagosurve fillimisht u është ofruar ndihma e parë mjekësore, ndërsa më pas janë dërguar për trajtim në Qendrën Klinike Universitare të Kosovës. Gjatë ekzaminimit të vendit të ngjarjes, Policia ka gjetur dhe sekuestruar një armë zjarri, e cila dyshohet se është përdorur në këtë rast.
Rreth orës 01:10, Policia është njoftuar nga QKUK-ja se 25-vjeçarja kishte ndërruar jetë si pasojë e plagëve të marra.
Në vendin e ngjarjes ka dalë edhe prokurori i shtetit, me vendimin e të cilit rasti është iniciuar si “Vrasje e rëndë”. Hetimet për zbardhjen e plotë të rrethanave të kësaj ngjarjeje tragjike janë duke vazhduar./KP/
The post Detaje nga vrasja në Malishevë, dalin edhe fotografitë e çiftit appeared first on Gazeta Express.
