Agjencia e Statistikave e Kosovës (ASK) ka publikuar të dhënat për inflacionin në vend gjatë vitit 2025.
Sipas ASK-së, çmimet në Kosovë gjatë këtij viti kanë qenë mesatarisht 3.9 për qind më të larta krahasuar me vitin 2024.
Rritja më e madhe e çmimeve është regjistruar te pijet alkoolike dhe duhani me 7.6 për qind, si edhe te informacioni dhe komunikimi me 6.8 për qind.
Po ashtu, shtrenjtim pati edhe te veshmbathja, mobiliet dhe pajisjet shtëpiake, energjia elektrike, ushqimi dhe pijet joalkoolike, transporti, shëndetësia dhe arsimi.
Ndërkohë, ASK-ja njoftoi se rënie e çmimeve është shënuar te restorantet dhe shërbimet e akomodimit me 1.4 për qind, si edhe te rekreacioni, sporti dhe kultura me 1.1 për qind.
The post Çmimet në Kosovë gjatë vitit 2025 u rritën mesatarisht 3.9 për qind krahasuar me vitin 2024 appeared first on Gazeta Express.
