Deputeti i Aleancës, Burim Ramadani, ka reaguar pas thirrjes për vrasjen e Ramush Haradinajt të bërë sot në Kuvendin e Kosovës, duke thënë se i dyshuari Skënder Llugiqi është familjar (kah dajët), i deputetit të Vetëvendosjes, Adnan Rrustemi.
Ndaj pretendimeve të Ramadanit, ka reaguar Adnan Rrustemi, i cili thotë se “aludimet për lidhje familjare me të arrestuarin janë krejtësisht të pabazuara”.
Rrustemi thotë se “personin në fjalë me pa nuk do ta njihja, por si emër kam dëgjuar. Kam dëgjuar vitet e fundit e gjatë fushatave, si ish ushtar i UÇK-së që jeton mbi 25 vite në Obiliq. As nuk e kam pa e as nuk e kam ditur që ndodhet në Kuvend dhe në cilën kohë sa isha unë aty. Është e vërtetë që unë i kam dajtë nga Dobraja e Madhe, ku Llugiqët janë mbi 300 shtëpi. Si kudo, edhe aty ka lloj lloj personash. Nga persona që nuk kanë mbajtur qëndrimin e drejtë për kombin e vendin, deri te ushtarë të shumtë të UÇK-së, e heroi kombëtar nga kjo familje e nga ky fshat”, shkruan Rrustemi”.
Sipas tij, Ramadani ka bërë “shpifje”, derisa paralajmëron se do të ushtrojë padi.
Gjithashtu, Rrustemi thotë se “gjuha e personit në fjalë ndaj Ramush Haradinajt është gjuhë e papranueshme e kësisoj e dënueshme. Ajo gjuhë nuk mund të justifikohet pavarësisht nga kush vjen. Sfera publike ka nevojë më shumë se kurrë për racionalitet. Dallimet në bindje politike nuk mund të rrëshqasin në gjuhë kërcënuese e fyese si kjo ndaj Ramush Haradinajt e ndaj askujt tjetër”.
Postimi i plotë:
The post Adnan Rrustemi i mohon lidhjet familjare me Skënder Llugiqin që u arrestua për kërcënim ndaj Haradinajt appeared first on Gazeta Express.
