Myslimanët si në tërë botën, ashtu edhe në Kosovë, sot e kremtojnë festën e Kurban Bajramit, festë kjo e cila simbolizon sakrificën ndaj Zotit dhe humanitetin ndërmjet njerëzve.
Manifestimi qendror për territorin e Kosovës, kushtuar festës së Kurban-Bajramit, është mbajtur në “Xhaminë e Madhe” në Prishtinë.
Namazi i Kurban-Bajramit u fal në orën 05:40.
Me rastin e kësaj feste, dje kryetari i Bashkësisë Islame të Kosovës, Myftiu Naim ef. Tërnava, ka uruar besimtarët myslimanë.
Në mesazhin e tij, ai tha se kjo festë vjen pas përfundimit të Haxhit, njërit prej pesë shtyllave të Islamit, duke shtuar se Kurban Bajrami bart mesazhe dashurie, paqeje, solidariteti dhe respekti për njëri-tjetrin.
RTK transmeton drejtpërdrejt faljen e namazit të Kurban Bajrami.
The post Besimtarët myslimanë festojnë sot Kurban Bajramin, namazi u fal në orën 05:40 appeared first on Gazeta Express.
