Artan Behrami, ka deklaruar se ata që dikur e akuzonin kryeministrin shqiptar Edi Rama për lidhje me Sorosin, sot po mbështesin atë që ai e quan “fushatë hakmarrëse të Sorosit kundër Ramës”, raporton GazetaBlic.
Sipas Behramit, hakmarrja krijon irracionalitet kolektiv dhe i bën shqiptarët të manipulueshëm nga fuqitë e mëdha që, sipas tij, e përdorin Tiranën për përplasje politike.
Postimi i plotë:
Krejt ata që dikur e akuzuan Ramën për lidhje me Soros, po i shoh në shesh të Tiranës, duke mbështetur fushatën hakmarrëse të Soros kundër Ramës!
E hakmarrja, fatkeqësisht dhe tradicionalisht, është derivati më i zjarrtë që ndez irracionalitetin e shqiptarëve, duke e krijuar afektin kolektiv.
Një gjendje irracionale, ku lehtësisht bëhemi vegla të fuqive të mëdha që Tiranën e keqpërdorin si terren për t’u konfliktuar.
