Policia e Kosovës (PK) njofton se në një aksion të zhvilluar të mërkurën ku u bastisën gjashtë biznese dhe tri shtëpi banimi, janë gjetur dhe sekuestruar ari e argjend i padeklaruar, si dhe një armë pa leje.
“Betimi për Drejtësi” raportoi dje për aksionin që u zhvillua nga Krimet Ekonomike dhe Dogana në Prizren.
Sipas raportit 24 orësh të Policisë, katë të dyshuarit pas intervistimit u liruan në procedurë të rregullt.
Rasti u iniciua si “Shmangie nga pagesa e tarifave të detyrueshme doganore” dhe “Shmangie nga tatimi”.
“Prizren 2025, NN. Në koordinim me prokurorin janë kryer kontrolle në gjashtë biznese si dhe në tri shtëpi banimi nën dyshimin se bizneset kryejnë veprimtari të kundërligjshme duke iu shmangur tatimit lidhur me shitjen e arit. Gjatë kontrollit në lokalet e katër të dyshuarëve një f/k dhe tre meshkujve kosovar janë gjetur dhe sekuestruar ari i pa deklaruar me peshë rreth 3.775.33 gram, argjend të pa deklaruar me peshë 4.204.98 gram si dhe një armë pa leje. Të dyshuarit janë shoqëruar në stacionin policor dhe pas intervistimit me vendim të prokurorit rasti procedohet në procedurë të rregullt”, njofton Policia.
The post Bastisja në Prizren: Sekuestrohet ari e argjend i padeklaruar, 4 të dyshuarit lirohen në procedurë të rregullt appeared first on Gazeta Express.
