Kandidati për kryeministër nga Aleanca, Ardian Gjini, ka deklaruar se me Aleancën në qeverisje, nuk do të lejohet që të marrin subvencione ata që nuk e punojnë tokën, por janë “kushërinj të atyre”, duke u aluduar në njerëzit e Qeverisë në ikje.
Para qytetarëve të Rahovecit, Gjini ka thënë se kjo komunë ka bujqit dhe vreshtarët më të vlefshëm në Ballkan.
“Nuk kemi me lënë më, me marrë subvencione ata që nuk e punojnë tokën hiç, e i marrin se janë kushërinj të tyre, e me mbetë bujqit më të vlefshëm në Ballkan, që janë të kësaj ane. Të Rahovecit e anës së Drinit. Vreshtarët më të vlefshëm në Ballkan me mbetë pa i marrë. Nuk kemi me leju”, ka deklaruar Gjini.
Ai shtoi se qeverisja e Aleancës do t’i përkrahë fortë bujqit dhe ata që jetojnë nga puna e tyre.
The post Ardian Gjini në Rahovec: Nuk do të marrin më subvencione ata që s’e punojnë tokën, veç pse janë kushërinj “të atyre” appeared first on Gazeta Express.
