Një aksident i rëndë ka ndodhur mëngjesin e sotëm në Buggenhout të Belgjikës, ku një tren është përplasur me një autobus shkolle, ku katër persona kanë vdekur, përfshirë dy fëmijë.
Zëvendëskryeministri belg Maxime Prevot ka konfirmuar numrin e viktimave, duke bërë të ditur se mes të vdekurve janë dy fëmijë të moshës 12 dhe 15 vjeç, si dhe dy të rritur, 27 dhe 49 vjeç.
Në total, në aksident kanë humbur jetën katër persona, ndërsa pesë fëmijë të tjerë janë plagosur rëndë. Sipas mediave belge, gjendja e tyre shëndetësore raportohet të jetë stabile.
Autoritetet lokale kanë bërë të ditur se rrethanat e sakta të aksidentit ende po hetohen, ndërsa ekipet e emergjencës kanë ndërhyrë menjëherë në vendin e ngjarjes.
Zyrtarë belgë kanë shprehur ngushëllime për familjet e viktimave dhe kanë falënderuar shërbimet e emergjencës për reagimin e shpejtë në këtë ngjarje tragjike.
