Deputeti i Lëvizjes Vetëvendosje, Artan Abrashi, ka shprehur shpresën se partitë politike kanë gjetur vullnet për ta zgjidhur krizën institucionale në vend.
Para vazhdimit të seancës konstituive të Kuvendit, Abrashi tha se kjo është arsyeja pse deputetët e Vetëvendosjes kanë ardhur në Kuvend.
Duke komentuar deklaratën e deputetit të Listës Serbe, Igor Simiq, Abrashi tha se Vetëvendosje tashmë e ka bërë të qartë qëndrimin e saj dhe shpreson që një deklaratë e tillë të mos përsëritet.
“Kjo është edhe arsyeja pse jemi ardhur këtu, po mendoj që ndoshta kanë gjetur pak vullnet për me ba zgjidhje kësaj krize. Ne e kemi dhënë qëndrimin sa i përket deklaratës së Simiqit dhe besoj që nuk e përsërit më”, tha Abrashi.
