Protesta e studentëve shqiptarë në Shkup të Maqedonisë së Veriut ka nisur me disa minuta vonesë, pasi u prit të mbërrinin edhe shumë studentë të tjerë shqiptarë nga vendi dhe rajoni.
Një numër i madh i protestusve, sidomos studentë, janë mbledhur tashmë para Urës së Gurit në Shkup.
Protestës i janë bashkuar edhe studentë nga Kosova dhe Shqipëria
Protesta nisi me intonimin e himnit kombëtar shqiptar dhe me thirrjet “UÇK”, ndërsa protestuesit nisën marshimin në mënyrë të organizuar.
Studentët po protestojnë për të kërkuar lejimin e mbajtjes së provimit edhe në gjuhën shqipe, pasi ajo gëzon status zyrtar në vend.
Organizatorët kanë paralajmëruar për pjesëmarrje masive, duke theksuar se mbrojtja e të drejtës për përdorimin e gjuhës shqipe në institucionet dhe proceset profesionale është çështje dinjiteti dhe barazie.
The post Arrijnë studentët shqiptarë nga RMV dhe rajoni, nis protesta në Shkup appeared first on Gazeta Express.
