Kryeministrja italiane Giorgia Meloni i ka bërë thirrje Bashkimit Evropian që të trajtojë krizën e energjisë si një emergjencë të ngjashme me mbrojtjen dhe të lehtësojë rregullat buxhetore për vendet anëtare.
Në një letër drejtuar Ursula von der Leyen, ajo thotë se siguria energjetike duhet të ketë të njëjtin prioritet strategjik si mbrojtja, duke lejuar më shumë hapësirë fiskale për ndihmë ndaj familjeve dhe bizneseve.
Sipas saj, siguria nuk lidhet vetëm me ushtrinë, por edhe me funksionimin e ekonomisë dhe përballimin e kostove të energjisë.
Thirrja vjen mes frikës për një krizë të re energjetike në Evropë, të nxitur nga tensionet globale dhe rreziku për furnizime me naftë dhe gaz.
Meloni paralajmëron gjithashtu se mungesa e fleksibilitetit mund të ndërlikojë në mbështetjen e Italisë për programin evropian të mbrojtjes SAFE, shkruan Euronews.
The post Meloni kërkon nga BE fleksibilitet fiskal: energjia të trajtohet si emergjencë e mbrojtjes appeared first on Gazeta Express.
