Sot është afati i fundit kur diaspora e Kosovës mund të regjistrohet për të votuar në zgjedhjet e 7 qershorit.
Partia në pushtet një pjesë të madhe të shpresës për rezultat të mirë e ka varur te votat e diasporës, të cilën prej vitesh është munduar ta mbajë nën narrativën e frikës dhe alarmit. Dikur pretendohej se Kosova ishte në rrezik nga partitë institucionaliste, ndërsa sot, edhe pse vet janë në pushtet, vazhdojnë me të njëjtën propagandë duke thënë se po pengohen nga të tjerët për “punët e mira” që po i bëjnë, prandaj prapë alarmojnë se Kosova është në rrezik.
Por e vërteta është ndryshe.
Kosova ka qenë realisht në rrezik në vitet ’90, kur diaspora i ndezi alarmet dhe e ndihmoi vendin në çdo mënyrë për t’i bërë ballë represionit të regjimit serb. Pas luftës, Kosova kishte nevojë për zhvillim dhe diaspora përsëri ishte pranë familjeve dhe shtetit, duke investuar e ndihmuar financiarisht në ndërtimin e jetës së re.
Nga shpallja e pavarësisë e deri në vitin 2019, Kosova pati zhvillimin më të madh shtetëror, institucional dhe ekonomik. Ndërsa nga viti 2019 e deri më 2026, vendi ka shënuar regres në shumë fusha. Sot jemi më afër themelimit të Zajednicës pikërisht nga ky pushtet që dikur e kundërshtonte me ashpërsi. Humbja e miqve dhe mbështetjes ndërkombëtare është në përmasa shqetësuese, ndërsa krizat politike dhe institucionale janë bërë të vazhdueshme.
Nëse ndonjëherë pas pavarësisë Kosova ka pasur nevojë që diaspora të ndezë alarmet e saj, atëherë janë këto 6 vitet e fundit.
Prandaj, çdo votë e diasporës duhet të jetë votë për partit shtetfornuese për ruajtjen e shtetit, forcimin e institucioneve dhe rikthimin e Kosovës në rrugën e zhvillimit dhe partneritetit ndërkombëtar. Çdo votë kundër partive shtetformuese vetëm sa e thellon krizën dhe rrezikun që sot i kanoset Kosovës.
The post Opozita si dekor ia hapi rrugën “Republikës së tretë” të Albin Kurtit appeared first on GazetaBlic.
