Sindikata e Pavarur e Minatorëve të Trepçës, ka thënë se mungesa e investimeve dhe gjendja e rënduar, për të cilat kjo sindikatë po alarmon vazhdimisht, po e rrezikojnë drejtpërdrejt jetën dhe shëndetin e minatorëve.
Sindikata ka thënë edhe se gjendja në minierë është shqetësuese, dhe se, kërkohet veprim urgjent.
‘’ Trepça ka nevojë të menjëhershme për investime serioze në pajisje dhe kushte pune. Me pajisje të vjetra dhe mungesë mirëmbajtjeje nuk mund të ketë zhvillim, por vetëm rritje të rrezikut’’, thuhet në reagim.
Postimi:
Sindikata vazhdimisht po alarmon për gjendjen e rënduar dhe mungesën e investimeve, të cilat po rrezikojnë drejtpërdrejt jetën dhe shëndetin e minatorëve. Sot tashmë po vërtetohet ajo që kemi theksuar prej kohësh. Gjendja në minierë është shqetësuese dhe kërkon veprim urgjent.
Trepça ka nevojë të menjëhershme për investime serioze në pajisje dhe kushte pune. Me pajisje të vjetra dhe mungesë mirëmbajtjeje nuk mund të ketë zhvillim, por vetëm rritje të rrezikut. Është e domosdoshme që institucionet përgjegjëse të marrin masa konkrete për të parandaluar më të keqen.
Shpresojmë që të mos kemi pasoja në jetë njerëzish, sepse çdo vonesë në reagim mund të kushtojë shtrenjtë.
Siguria e minatorëve duhet të jetë prioritet absolut.
The post Bllokimi i minatorëve, reagon Sindikata e Trepçës: Duhet investime serioze, me pajisje të vjetra po rritet rreziku appeared first on Gazeta Express.
