Një person është sulmuar fizikisht pas një mosmarrëveshjeje në Lipjan, ndërsa rasti është cilësuar si “Vrasje e rëndë në tentativë”.
Sipas raportimit, viktima, një mashkull kosovar, është sulmuar fizikisht nga një i dyshuar, po ashtu mashkull kosovar.
Si pasojë e sulmit, viktima është dërguar për trajtim mjekësor në Qendrën Klinike Universitare të Kosovës (QKUK).
Në lidhje me rastin, policia ka arrestuar të dyshuarin.
Me vendim të prokurorit, ai është dërguar në mbajtje, ndërsa rasti është duke u hetuar nga organet kompetente. /Telegrafi/
