Instituti Hidrometeorologjik i Kosovës (IHMK), ka publikuar parashikimin e motit për javën e fundit të shtatorit, e cila pritet të karakterizohet kryesisht me mot me diell dhe vranësira të shpërndara.
Sipas IHMK-së, gjatë ditëve në vijim temperaturat do të shënojnë rënie graduale, veçanërisht në orët e mëngjesit.
E hënë do të jetë me diell dhe vranësira, ndërsa në disa zona mund të ketë reshje të dobëta shiu. Temperaturat minimale do të lëvizin nga 5 deri në 8 gradë Celsius, ndërsa maksimalet nga 20 deri në 23 gradë.
E martë do të karakterizohet me mot me diell dhe vranësira të shpërndara. Temperaturat minimale do të zbresin në 4 deri në 6 gradë Celsius, ndërsa maksimalet do të jenë nga 20 deri në 23 gradë.
E mërkurë pritet të jetë me diell dhe vranësira të shpërndara. Temperaturat minimale do të lëvizin nga 3 deri në 8 gradë Celsius, ndërsa maksimalet nga 20 deri në 23 gradë.
E enjte do të sjellë mot me diell dhe vranësira të pjesshme, ndërsa temperaturat do të shënojnë një rënie të lehtë. Minimalet do të lëvizin nga 2 deri në 6 gradë Celsius, kurse maksimalet nga 18 deri në 22 gradë.
E premte do të jetë me diell dhe vranësira të shpërndara. Temperaturat minimale do të lëvizin nga 2 deri në 5 gradë Celsius, ndërsa maksimalet nga 19 deri në 22 gradë.
Në përgjithësi, java e fundit e shtatorit pritet të sjellë mot relativisht të qëndrueshëm, por me rënie graduale të temperaturave, sidomos gjatë mëngjeseve.
The post Temperaturat bien deri në 2°C gjatë javës së fundit të shtatorit appeared first on Gazeta Express.
