Për takimin e sotëm, Trump dhe Xi ishin ulur përballë njëri-tjetrit në një tavolinë të gjatë të rrethuar nga më shumë se një duzinë burrash të veshur me kostume.
Nuk kishte gra të ulura në tavolinë as nga ana amerikane dhe as nga ajo kineze.
Gratë janë të nën-përfaqësuara në nivelet më të larta të qeverisë si në Pekin ashtu edhe në Uashington. As SHBA-ja dhe as Kina nuk kanë pasur ndonjëherë një udhëheqëse femër.
Aktualisht nuk ka gra në Byronë Politike të Kinës, grupin prej dy duzinash zyrtarësh të lartë që mbikëqyr partinë dhe qeverinë qendrore.
Shefja e stafit të Shtëpisë së Bardhë të Trump, Susie Wiles, është gruaja e parë që shërben në këtë rol, megjithëse nuk udhëtoi me presidentin në Pekin. Monica Crowley, shefe e protokollit të Shtëpisë së Bardhë, udhëtoi për në Pekin, por nuk është e pranishme në takimin me Xi.
Aktualisht ka vetëm katër gra në kabinetin e Trump, pas shkarkimeve dhe dorëheqjes së tre të emëruarave femra në muajt e fundit.
The post Asnjë grua në tryezën e bisedimeve Trump-Xi në Pekin appeared first on Gazeta Express.
