Ish-drejtoresha e SHISH-it Vlora Hyseni ka dalë nga ambientet e Gjykatës së Posaçme Kundër Korrupsionit dhe Krimit të Organizuar, pasi ndaj saj është caktuar masa e sigurisë “arrest në shtëpi”.
Hyseni ishte paraqitur në GJKKO për seancën ku u shqyrtua masa e sigurisë ndaj saj. Pas përfundimit të seancës, ajo është larguar nga gjykata.
Gazetarët, që e pritën të dilte nga gjykata, e pyetën Hysenin: “A i keni fikur radarët?”.
Ata i referoheshin një bisede mes saj dhe Ergys Agasit në kohën kur ai ishte në arrati ku Hyseni i thoshte atij se për të “krejt radarët e shtetit i fik për ty”.
Vendimi vjen në kuadër të hetimeve të SPAK mbi dosjen e Ergys Agasit, ndërsa vijimi i procedurave pritet të përcaktojë edhe hapat e mëtejshëm të çështjes.
The post “A i keni fikur radarët?”, ish-shefja e SHISH s’iu përgjigjet gazetarëve pasi del nga gjykata – pamje appeared first on Gazeta Express.
