Shërbimi danez i inteligjencës së mbrojtjes ka paralajmëruar për një kërcënim “në përshkallëzim” nga Rusia, duke pritur sulme hibride ndaj aleatëve të NATO-s në muajt e ardhshëm, me synim pengimin e jetës së përditshme përmes sulmeve kibernetike dhe akteve të sabotimit, me “rrezik të lartë” për viktima.
Raporti paralajmëroi se Rusia do të përpiqet të pengojë mbështetjen europiane për Ukrainën ose të parandalojë që kjo mbështetje të arrijë në Ukrainë.
Shërbimi pret “sulme më të shpeshta”, me “pasoja më të mëdha për vendet e synuara”, përfshirë përpjekjet për të paralizuar infrastrukturën kritike ose sulme sabotimi që “mbartin rrezik të lartë” për viktima.
Vlerësimi arrin në përfundimin se ekziston një rrezik “i ulët, por në rritje” për një “sulm ushtarak të kufizuar” rus ndaj një vendi fqinj, me synimin për të “ridrejtuar burimet europiane larg mbështetjes për Ukrainën dhe për të nxitur përçarje brenda NATO-s”.
Një sulm i tillë mund të marrë formën e një goditjeje të izoluar me armë me rreze të gjatë veprimi ose të një operacioni “me flamur të rremë”, duke përdorur dronë ukrainas.
Shërbimi përfundoi se mbetet “shumë e pamundur” që Rusia të nisë një pushtim të hapur të një vendi të NATO-s, por tha se një mundësi e tillë “nuk mund të përjashtohet”.
Megjithatë, Rusia mund t’i shohë vitet e ardhshme si një “dritare mundësie” për të vepruar kundër aleatëve europianë të NATO-s, veçanërisht nëse arrin në përfundimin se reagimi i SHBA-së nuk është i sigurt.
Raporti publikohet në një kohë kur janë shtuar paralajmërimet nga disa liderë evropianë, përfshirë kryeministrin polak Donald Tusk, si dhe nga shërbime të tjera të inteligjencës në mbarë Evropën.
The post Raporti i inteligjencës daneze paralajmëron ashpër për kërcënimin “në përshkallëzim” nga Rusia appeared first on Gazeta Express.
