Sot pritet të mbahet seanca e Kuvendit të Kosovës, në të cilën do të shqyrtohet çështja e formimit të Qeverisë së re.
Mbajtjen e seancës për Telegrafin e ka konfirmuar nënkryetarja e Kuvendit nga radhët e komuniteteve joshumicë, Emilija Rexhepi.
“Po”, ka qenë shkurt përgjigja e saj. E pyetur për orën Rexhepi nuk është përgjigjur, ndërsa në media është raportuar se diku rreth orës 14:00 pritet të mbahet seanca.
Seanca vjen pas konstituimit të Kuvendit të Kosovës, ku sot u zgjodhën nënkryetarët nga radhët e LDK-së, Listës Serbe dhe komuniteteve të tjera joshumicë.
Ndërkohë, deputetët e Partisë Demokratike të Kosovës nuk morën pjesë në seancën konstituive. PDK-ja ka deklaruar se nuk do të marrë pjesë në seancat e ardhshme dhe se çështjen do ta adresojë në Gjykatën Kushtetuese, duke pretenduar se janë tejkaluar afatet kushtetuese për konstituimin e Kuvendit.
Në seancën e sotme për formimin e Qeverisë pritet të shqyrtohen procedurat për zgjedhjen e ekzekutivit të ri, pas përfundimit të procesit të konstituimit të Kuvendit./Telegrafi/
