Komuna e Gjakovës ka njoftuar se të dielën, më 13 shtator, do të mbahet gara tradicionale e vrapimit “Gjakova Trail”, me ç’rast disa rrugë brenda qytetit do të bllokohen përkohësisht.
Sipas njoftimit të Komunës, kufizimet do të jenë në fuqi nga ora 09:00 deri në 12:00, ndërsa qytetarët janë lutur të shmangin lëvizjet me automjete ose të lëvizin në këmbë në zonat ku do të zhvillohet gara.
Rrugët që do të preken nga bllokimi janë: Rreth-rrotullimi i sheshit “Agron Rama” (Mulla Jusufi), Gjon Nikollë Kazazi (Ura e Tabakut) – Qarkorja Jugore (Bujar Roka 2), Gjon Nikollë Kazazi (Ura e Tabakut) – Domenik Përgegaj, Domenik Përgegaj – Luigj Palaj, Luigj Palaj – Nikollë Kaçorri, Nikollë Kaçorri – At Luigj Pali, Qarkorja Jugore – Ura e Kuqe (Bujar Roka 2).
Komuna ka ftuar qytetarët që të jenë pjesë e garës duke qëndruar përgjatë shtigjeve të vrapimit dhe duke i mbështetur garuesit vendorë e ndërkombëtarë.
“Ju ftoheni që të jeni pjesë aktive e kësaj gare, duke qëndruar anash shtigjeve të vrapimit, si motiv shtesë për garuesit vendorë e ndërkombëtarë”, thuhet në njoftim.
