Policia e Kosovës ka parandaluar një rast të dyshuar të kontrabandimit me mallra në brezin kufitar mes Kosovës dhe Maqedonisë së Veriut.
Rasti është evidentuar më 9 shtator, kur policia ka identifikuar dhe ndaluar një automjet pa targa, i cili dyshohet se transportonte mallra të kontrabanduara nga Maqedonia e Veriut.
Postimi:
Parandalohet një rast i kontrabandimit me mallra
Prishtinë, 10 shtator 2026
Me datën 09.09.2026, Policia e Kosovës ka identifikuar dhe ka ndaluar një automjet të dyshuar pa targa nē brezin kufitar RMV-RKS, i cili dyshohet se kishte të ngarkuar mallra të kontrabanduara nga Republika e Maqedonës së Veriut. Gjatë kontrollit të automjetit të lartcekur, të cilin po e drejtonte i dyshuari mashkull kosovar, janë gjetur të ngarkuara mallra të ndryshme si: susam, qumësht pluhur, boca gazi, poqa elektrikë, çokollata, vlera e të cilave, sipas tregut, sillet rreth 20.000 euro pa llogaritur akcizat dhe shmangiet doganore etj., për të cilat nuk posedonte asnjë dokument mbi prejardhjen e mallit. Lidhur me rastin i dyshuari i cili për mallin e ngarkuar nuk kishte nën posedim dokumentet përkatëse, është shoqëruar së bashku me automjet në SPMK-Kllokot pēr procedim të mëtutjeshëm të rastit, ndërsa në konsultim me prokurorin malli i sekuestruar i është dorëzuar Doganës së Kosovës.
The post Çokollata, qumësht pluhur, susam – Parandalohet rast kontrabande me mallra me vlerë 20 mijë euro në kufirin me RMV appeared first on Gazeta Express.
